الأم الشاطره 🙋 اللي عايزه تولد طبيعي ✅ و تعمل كل حاجه صح ✅ و تحضر نفسها لاقوى و اجمل حدث في حياتها هي بس اللي تقرا البوست دا👈
علشان تولدي طبيعي و تحضري منطقه العجان اللي زي ما اتفقنا و فهمنا ان مفيش حاجه اسمها (قص روتيني) حنعلمك ازاي تعملي مساج علشان تخلي المنطقه دي طريه مرنه و كمان مطاطيتها كويسه فتقللي نسبه حدوث شق تلقائي كمان👍.🤔👆🏻
د. هناء أبو القاسم🤰🏻
منطقة العجان دي هي المنطقة بين فتحة المهبل و فتحة الشرج.
👈ضروري نعرف ان مساج العجان لا ينصح بيه قبل الاسبوع ال٣٤ من الحمل❌ .
👈الدراسات العلمية اثبتت فعالية المساج ده في تقليل فرص حدوث التمزق وقت الولادة عند الامهات الحوامل فأول بيبي.👨🏻🔬👩🏻🔬
و كمان الدراسات اثبتت حاجة جميلة جداً ان مساج العجان فعال جداً للسيدات فوق سن ال٣٠ في اول حمل ليهم😮 و بيقلل خطر حدوث التمزق الي بيحتاج لخياطة بنسبة ٥٪ للامهات فأول حمل ليهم👏🏼👏🏼.
السؤال دلوقتي ازاي تعملي المساج لمنطقة العجان؟ 🤔
اول ما توصلي للاسبوع ال٣٤ من الحمل خلي مساج العجان جزء من تجهيزاتك للولادة.🤰🏻
مفيش دراسة ثابتة بيقول كم مرة تعملي المساج ده 🤔. في دراسة بتقول ان كل ما عملتي المساج ده اكتر كل ما كان فعال اكتر.
ياريت تستشيري طبيبك قبل ما تبدأي تعملي مساج العجان👩🏻⚕
اهم حاجة تكون ايدك نظيفة جداً وضوافرك قصيرة عشان متجرحيش نفسك و ممكن تحتاجي مخدة تقعدي عليها عشان تكوني مرتاحة اكتر و تستخدمي زيت طبيعي يساعدك على المساج زي زيت جوز الهند🍶 . و هتحتاجي مرايا عشان تشوفي المكان الي هتعمليله المساج بسهولة.
و دلوقتي هنعلمك خطوة بخطوة ازاي تعملي مساج العجان.
🔸الخطوة الاولى:
اقعدي في مكان هادي و مريح واستخدمي مخدة ورا ضهرك عشان تقعدي في وضع شبه قائم . حاولي تشغلي مزيكا هادية و تهدي النور عشان تكوني مسترخية أكتر.
🔸الخطوة الثانية:
حطي زيت جوز الهند على ايدك و صوابعك و على منطقة العجان .زيت جوز الهند هيقلل الاحساس بعدم الراحة و انتي بتعملي المساج.
🔸الخطوة الثالثة:
دخلي صبعين في المهبل بطول ٣-٤ سم و حاولي تضغطي بالراحة باتجاه فتحة الشرج وفنفس الوقت افتحي صوابعك شوية عشان تمددي منطقة العجان للاسفل و للخارج لحد ما تحسي بشوية تنميل فالمنطقة دي و ده بيديلك اشارة ان منطقة العجان بدات تبقى اكتر مرونة و بتتمدد.
مهم تعرفي ان مش المفروض تحسي بأي وجع او حرقان.
🔸الخطوة الرابعة:
تخيلي ان منطقة العجان شبه الساعة و حركي صوابعك ما بين الساعة ٣ 🕒و الساعة ٦ 🕕و انتي بتضغطي . كرري الحركة دي من ٢٠-٣٠ مرة و اعملي زيهم و انتي بتحركي ايدك ما بين الساعة ٦ 🕕للساعة ٩ 🕘. اتخيلي شكل الساعة و هتعرفي قصدنا ايه و الموضوع هيكون بسيط🕰😁
🔸الخطوة الخامسة:
حاولي تمددي منطقة العجان للخارج بصوابعك باتجاه الفخذين
🔸الخطوة السادسة:
حركي صوابعك في شكل حرف V للاعلى
🔸الخطوة السابعة:
اخر حاجة حطي صوابعك في وسط منطقة العجان و افتحيهم عشان تعملي ستريتش للمنطقة كلها
.نصائح تانية هتساعدك لو عملتيها انها تحد من قص العجان او التمزق فالولادة.
🔹بلاش الولادة و انتي نايمة على ضهرك ابداً❌. افضل اوضاع للولادة الطبيعية هي وضع قائم و انتي قاعدة او على ايديكي و ركبك.
🔹بلاش تحزقي وتعملي pushing من غير لازمة طول فترة الطلق . حاولي تسترخي و تسيطري على جسمك فوقت الطلق بالتنفس الصحيح 💆🏻
🔹الولادة في الماء بتقلل فرص حصول التمزق فالعجان
🔹حطي كمادات ماء دافيء على منطقة العجان وقت الولادة
🔹بلاش تاخدي طلق صناعي بدون داعي طبي
🔹حاولي تثقفي نفسك و تعرفي طرق تحمل الالم عشام تتفادي التدخلات الطبية وقت الولادة
🔹الحركة وقت الطلق بيساعد البيبي انه يلف فالوضع الصحيح فالحوض و يساعدك على الولادة .
مركز مامز هافين للولاده الآمنه بيوفرلك كل المعلومات مهما كانت غريبة عشان تضمنلك انك تحصلي على افضل و اجمل تجربة ولادة
و افتكري دايماً 💓 الولادة بحب تغير العالم💓
#مساج_العجان
