خرافة الحوض الضيق:😁
هل فعلا الكشف المهبلي إللي بيعمله الطبيب في الشهر التاسع علشان يشوف حجم الحوض ويحدد هل ينفعك ولادة طبيعية ولا لأ🤔 ؟معلومة صحيحة ام خرافة؟🤔
لا هي خرافه🙅
تعالي نعرف ليه و نفهم واحدة واحدة مع بعض معلومتين مهمين😊:
⏩ ربنا خلق عظم الحوض متحرك والاربطة إللي ماسكة عظم الحوض ببعض بترخي وبتوسع يعنى عظم الحوض واتساعه بيزيد وقت الولادة🙈.
⏩ رأس البيبي بتحصل لها حاجة إسمها moulding
يعني رأس البيبي👼 اللي بتتكون من كذا عظمة مش ملتحمين ببعض ممكن يقربو من بعضه أو بيجو شوية فوق بعض ودا بيصغر حجم الراس ونشوفه كتير بعد الولادة إن رأس البيبي بتكون مطاولة وشبه الشمامة😂.
وبكدا من المعلومتين السابقين يبان لنا إن حجم الحوض ممكن يوسع و كمان رأس البيبي تصغر يعني الكشف المهبلي لمعرفة إذا كان الحوض ضيق وممكن الراس تعدي أو لا شئ تقديري بحت ولا يعتمد عليه إلا في حالات قليلة جدا مثل:
١. البيبي حجمه كبير جدا.😋
٢. عملية سابقة او كسر أو أي اصابه في الحوض😓.
٣. أم قصيرة جدا ١٥٠ سم يكون احتمالية الحوض الضيق أكثر.😜
طب إيه العمل:
الحل الوحيد هو الدخول في ولادة وتقدير ذلك اثناء الولادة حيث إن تغييرات الحوض والرأس تكون في الوضع الأمثل وبحسب التقدم في الولادة يمكن وقتها للطبيب تشخيص CPD يعني عدم توافق حجم رأس البيبي والحوض👶#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة
ليست هناك تعليقات:
إرسال تعليق