ليه مش عارفة أنام 😴؟ وعلى طول عندي أرق😔 ؟
معظم السيدات الحوامل🤰🏼 خصوصا آخر 3 شهور فيه أسباب كتير اوي تخلي النوم مش مريح ومش عارفة تنامي:
٢. بتقومي كتير عشان تدخلي التويلت 🚽ودا بسبب ضغط الرحم المستمر على المثانة🧻.
٣. بيجيلك شد عضلي في رجلك🦵🏻.
٤. تفكيرك المستمر بسبب قرب ميعاد الولادة😒.
انهاردة #د_هناء_أبو_القاسم ❤️ حتديكي شوية #نصائح_مامز_هافين عشان تقدري تتغلبي على الأرق والقلق وقت النوم:🥰🥰🥰🥰🥰
١. اعملي روتين يومي قبل النوم ودا بيعمل على تظبيط ساعات نومك خدي شاور دافي وتشربي كوباية لبن دافي🥛 بس خليها كوباية صغيرة عشان متدخوليش التويلت🚽 ويا سلام لو جوزك راضي عنك ويعملك شوية مساج الاسترخاء💆🏼.٢. قللي الاكل والمشروبات إللي فيها نسبة عالية من الكافيين زي الشيكولاتة🍫 والقهوة والبيبسي والشاي الاخضر☕.
قللي الاكل الحراق 🌯والسبايسي خصوصا قبل النوم عشان الحموضة والارتجاع😔 .
٣. اتعلمي تعملي بعض تمارين اليوجا🧘🏼♀و الاسترخاء💆🏼.
٤. جهزي اوضة نومك وخليها للنوم فقط والعلاقة الحميمة💏 اقفلي موبايلك 📱واللاب توب والتليفزيون💻.
٥. خلى الاضائة خافتة وهادية وابعدي عن أي مصدر دوشة وشيلي أي منبه أو ساعة⏰ في اوضة النوم عشان مفيش حاجة تضايق اكتر من إنك تشوفي الوقت بيعدي وانتي مش عارفة تنامي😕.
٦. استخدمي مخدات تريحك وتسند ظهرك وبطنك ونامي على جنبك الشمال عشان الدم يوصل كويس للبيبي🛌🏼.
٧. لو قعدتي اكتر من نصف ساعة⏱ بتحاولي تنامي قومي اقري كتاب وسيبي السرير وغيري الاوضة وبعدين ارجعي حاولي تنامي تاني😌.
خلي بالك الأرق ممكن يكون لا قدر الله من اعراض الاكتئاب😮 لو جه معاه أعراض تانية زي فقدان الشهية أو الحزن الشديد فقد الاهتمام بأي شئ والقلق الدائم😞
استشيري طبيبك أكيد حيقدر يساعدك لو حسيتي بالاعراض السابقة دي.
صحتك غالية علينا 💟#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة
ليست هناك تعليقات:
إرسال تعليق