أعمل ايه علشان اولد طبيعي؟🙄🤷🏻♀🤱🏻
د. هناء أبو القاسم
هو ينفع اولد طبيعي🤰🏻🤱🏻❓
ازاي احضر نفسي للولاده الطبيعيه💪🏻❓
كل دي تساؤلات لنسمعها من امهات كتير ودهناء ابو القاسم 👩🏻⚕حتجاوبك وتقولك ازاي تحضري نفسك الولاده🤰🏻
الولاده اهم و اقوى حدث في حياه كل سيده 😍😍علشان كده الولاده محتاجه قوه و عزيمه و تحضير💪🏻💪🏻
فكري في يوم ولادتك انه يوم بطولة و البطولة عايزة ابطال🏆🥇 و عايزة حد يشجع👏🏼👏🏼 و عايزة مكان متحضر تتعمل فيه البطولة وكمان مشرف على البطولة.
طب يعني ايه الكلام ده🤔🤔❓❓
مين الابطال🏆؟ انتي و البيبي🤱🏻
مين الي حيشجع؟ الزوج، الأم،الدولا👏🏼👏🏼
فين مكان البطولة؟ المستشفى
مين المشرف على البطولة؟ طبيب النساء و التوليد👩🏻⚕👨🏻⚕
يلا نشرح بالتفصيل:
👈حضري نفسك (يا بطلة)💪🏻
التحضير ده بشمل التحضير الجسماني و العقلي و الذهني للولادة.
التحضير الجسماني🤸🏻♀: حيكون بالتغذية الصحيحة 🍏🍒🍅🥖🍳🥚🥦أثناء الحمل علشان يكون جسمك عنده طاقة وقوه و كمان حضري عضلاتك المسؤولة عن الولادة (عضلات الظهر و البطن و الحوض) اعملي تمارين الحمل و الولادة، اعملي رياضة🤸🏻♀، مشي🚶🏻♀🚶🏻♀، سباحة🏊🏻♀، يوجا🧘🏻♀. خلي عضلاتك عندها قوة و مرونة.
التحضير العقلي: و دا يشمل حضور حلقات الحمل و الولادة 👩🏻🏫🤓🤰🏻اللي حتديكي القوة و المعرفة و الثقة بالنفس و حتعلمك كل حاجةعن مراحل الولادة و المخاض و ازاي تتعاملي مع المخاض صح.
التحضير الذهني: ثقي بنفسك و بقدرة جسمك. ربنا خلق جسمك يحمل و يولد و يرضع ودي قوة عزيزة ربنا خلق جسم المرأة بالقوة 🤰🏻🤰🏻🤱🏻دي ( انتي قدها و قدود)
حوطي نفسك بقصص ايجابية و فيديوهات عن الولادة الغريزية و اعملي بلوك لأي حد يكلمك عن مشاكل او تجربته الشخصية السلبية.
👈 حضري البيبي(البطل)🤱🏻👶🏼
البيبي عايز منك ٣ حاجات
-اكليه كويس
-اتكلمي معاه و اتواصلي معاه و شجعيه
(اعرفي ان هو الي بيتحرك و بيلف و بينزل، اديله وقته و فرصته)
-اتحركي دايماً🚶🏻♀، اعملي تمارين التوازن(balancing) 🧘🏻♀
ادي البيبي فرصته انه يتحرك و ياخد الوضع الافضل. دا بيعتمد على قد ايه انتي عضلاتك مرتاحة، طريقة جلوسك و نومك سليمة😴
👈 حضري الفريق الي هيكون معاكي👫
الفريق ده يشمل زوجك الي حيساندك و يساعدك و يكون جنبك🙎🏻♂ و هو فاهم حيعمل كده ازاي لانه هيكون حضر معاكي محاضرات الحمل و الولادة👆🏻. ممكن والدتك، اختك اي حد تختاريه يكون موجود و عارفة انه الشخص الصح الي هيدعمك.
الدولا احد اهم اعضاء الفريق لانها مدربه بكل الطرق الي حتقدر تساعدك بيها جسمانياً و نفسياً و ذهنياً
(رتبي دولا تحضر معاكي الولادة)
👈 مكان البطولة:
المستشفى الي بتدعم الولادة الطبيعية و نصيحة مهمة جداً خليكي في بيتك لما الولادة تبدأ روحي المستشفى بس لما المخاض يكون قوي و الطلق ورا بعض😫.
👈الطبيب الي حيدعم خياراتك وخطة ولادتك
ابحثي عن الطبيب اللي بيدعم الولادة الطبيعية
وخليكي فاكره دايما مع مامز هاڤين الولاده بحب تغير العالم
ليست هناك تعليقات:
إرسال تعليق