يعني ايه مشيمه متقدمه او المشيمه تحت قبل البيبي🤔🤔 ؟
د. هناء أبو القاسم
لما بتكون المشيمة موجودة في الجزء السفلي من الرحم ⬇وبتقفل او تغطي عنق الرحم،
ودا مش المكان الطبيعي اللي بتكون فيه المشيمة✖ عشان مفروض تبقي موجودة في الجزء العلوي للرحم، وبيتم الكشف عليها بالموجات الفوق صوتية ابتداء من الاسبوع 16-20 من الحمل.
ممكن تقفل و تغطي عنق الرحم تماما او بتكون المشيمة مغطية جزء بسيط من عنق الرحم.
ايه اللي هيحصل لو تم تشخيصي بالمشيمة المتقدمه❓❓
لو تم اكتشفاها في بداية الحمل اطمني مش مشكلة كبيرة عشان مع مرور الوقت مكانها بيتغير وممكن تطلع اكتر لفوق( هي مش بتتحرك من مكانها بجد الرحم هو اللي بيكبر وبيتمدد وبتتحوك مهاه لفوق)😊
☝🏼☝🏼لكن لو فضلت في الجزء السفلي لاخر الحمل ممكن تسبب نزيف وولادة مبكرة😲 ويكون الاختيار المناسب في هذه الحاله هي الولادة القيصرية.
وقتها لازم تاخدي احتياطات ،
العلاقة الزوجية ممنوعه تماماً✖ وكمان الكشف المهبلي حتى اخر الحمل✖ وكمان تجنبي اي مجهود او ممارسة التمارين الرياضية او اي انشطة مجهدة.✖
ممكن يحصل نزيف طفيف طوال رحلة الحمل لكن لو زاد وفضل مستمر اطلبي المساعدة من طبيبيك 🤰🏻👨🏻⚕وروحي اقرب مستشفى سيتم الاطمئنان على حالتك الصحية وحالة البيبي واتخاذ القرار اما الانتظار او اجراء ولادة قيصرية في الحال.
ايه هي مشاكل المشيمة المتقدمه؟❓❓
1. حتولدي قيصري مش طبيعي،
2. خطورة النزيف الشديد اثناء الحمل واثناء وبعد الولادة.
3. التصاق المشيمة في جدار الرحم.
4. مضاعفات للبيبي بسبب الولادة المبكرة زي نقص الوزن ومشاكل في التنفس.
مين اكتر الامهات عرضة للاصابة ؟؟
1. لو كان عندك مشيمه متقدمهفي ولادةو سابقة.
2. لو ولدتي ولادة قيصرية سابقه.
3. لو اجرتي جراحات رحم سابقة.
4. لو كنتي تدخنين او تتعاطين المحدرات.
5. ولادة توأم او اكتر.
6. كثرة الولادات السابقة.
طيب ايه ممكن تعمليه🤔🤔
لو اتشخصتي بدري اصبري و عيدي الموجات الصوتيه في الثلث الاخير من الحمل و لو اتاكدتي ابعدي عن اي مجهود وكل الاحتياطات الي شرحناها و خذي بالك لو خصل نزيف تروحي المستشفى بسرعه، لو كنتي اقل من الاسبوع 34 من الحمل متنسيش تاخدي ابرة الرئة عشان تحمي البيبي من مضاعفات عدم نضوج الجهاز التنفسي#placent_previa.
ليست هناك تعليقات:
إرسال تعليق