ارتفاع معدل الولادة القيصرية في مصر

بقلم د هناء ابو القاسم
نحن في صدد حقيقة ومعلومة مؤلمة أو وباء حقيقي 🔺 كما أطلقت عليه منظمة الصحة العالمية وهو

🔺إرتفاع معدل الولادة القيصرية في مصر🔺

وحسب المسح السكاني الأخير سنة2014 إحنا بنحتل المركز الثالث عالميٱ❗️ بنسبة 52%❗️والمعلومة الأهم والأخطر ان النسبة كانت 10% سنة2000 و28%سنة2008 يعني معدل الزيادة حقيقي *❗️مرعب❗️*
والنسبة الحقيقية دلوقتي 2019 أكيد أعلي بكتير⁉️
منظمة الصحة العالمية أوصت أن النسبة لا تزيد عن 15% وأكثر من الرقم دا مش في مصلحة الأم ولا البيبي

الغريب و العجيب❗️ ان اللي بيحصل علي أرض الواقع عكس اللي مفروض يحصل تماما❗️❗️ و اللي حتكون نتيجته تضاعف وزيادة أكثر وأكثر في نسبه الولادات القيصريه😲
١-علي أرض الواقع الأمهات🤦‍♀️ اللي بتطلب ولادة قيصرية عددها بيزيد(لا يوجد وعي)
٢-علي أرض الواقع الأمهات اللي عايزة تولد طبيعي 🙋‍♀️ مش بتلاقي اللي يساعدها علي العكس تماما بتلاقي اللي يخوفها ويرهبها من الولادة الطبيعية
٣-أطباء كثير ومستشفيات أكثر متجهة إلي تحسين صورة الولادة القيصرية وبقينا نقول عليها ولادة بدون ألم ونتفنن في تجميل صورة الولادة القيصرية وفي نفس الوقت لا تتكلم ابدا عن مخاطر الولادة القيصرية والقيصرية المتكررة
٤-علي أرض الواقع شوهنا شكل الولادة الطبيعية وكرهنا الأمهات فيها وخوفناهم منها:-
- خوفنها علي نفسها وعلي سلامة الأعضاء التناسلية وخوفناها علي البيبي وسلامته❗️
- عملنا ممارسات كتيرة غير مبنية علي الدليل العلمي في الولادة الطبيعية والأمهات كرهتها اكثر وأكثر
بقي شكل الولادة( أم بتتألم - محاليل ومحفزات طلق - قسطرة شق جراحي - وضع مهين للولادة -فحص مهبلي متكرر - عدم وجود الزوج أثناء الولادة - منع الحركة والأكل والشرب أثناء الولادة - وأستخدام جهاز نبض الجنين بشكل مستمر) كل دا مش طب مبني علي الدليل كل دا ممارسات روتينية غير مدعومة بالدليل الطبي والعلمي❗️

في النهاية بنحبب الناس في القيصرية وبنكرههم في الطبيعي إحنا كدا رايحين علي فين؟؟
الحل من وجهة نظري كطبيبة نسا دراستي كلها في مجال الولادة الطبيعية هو عمل بحث كبير وإجتماع كبير يتضمن:-الحل من وجهة نظري كطبيبة نسا دراستي كلها في مجال الولادة الطبيعية هو عمل بحث كبير وإجتماع كبير يتضمن:-

1- أطباء نساء وتوليد
2-تمريض نساء وتوليد
3- أصحاب المستشفيات ومتخذي القرار.
4-أمهات ومجتمع مدني:-
سبق لهم الولادة الطبيعية
سبق لهم الولادة القيصرية
5- شابات في سن الزواج
ويتم دراسة وعرض كل الأسباب التي تجعل كل فئة تلجأ القيصرية وعرض حلول من وجهة نظرهم وكان نفسي اعمل البحث دا mulidicipinoy team
(Approach to solve the problem)
المهم ان يكون في دراسة حقيقية للأسباب والحلول
👈بلاش نرمي اللوم علي الطبيب ولا على الأم ولا علي المجتمع وبدل كدا نشوف الأسباب
👈 وكل واحد يبدء بنفسة

✅*الأم*

محتاجة توعي نفسها وتعرف الصح وتبحث عن المعلومة المبنيه علي الدليل العلمي ودا يكون عن طريق حضور حلقات الحمل والولادة
child birth eduction classes
وبقت موجودة في مصر وفي فريق دولات بيقوموا بيها من 2014 ❌وكفاية سوشيال ميديا خاطئة وتجارب الأمهات و الاصحاب والجروبات علي النت.
حضري نفسك صح علشان دكتورك يعرف يساعدك وبلاش الخوف من الغير معروف أعرفي الصح وحددي خياراتك ولو عرفتي الصح مش حتختاري الا الطبيعي
👈انت صاحبه قرار و خيار .

✅*الطبيب*

- مقترح وضع سياسات وأسس من وزارة الصحة ومن الجودة وتفعيلها لحكم أسباب عمل القيصريات إجراء هام وعلي الطبيب المخالف التعرض للمسألة.
-👈 والمهم والأهم وضع قانون يحمي الطبيب وحقة في الممارسات والمشاكل الحقيقية وضمان حقه كطبيب يمارس المهنة بشرف وأحترام ومن رأيي هذا من الأسباب المهمة جدٱ للجوء أطباء كثيرة للولادة القيصرية.
-👈 أن تكون تكلفة الولادة الطبيعية أكثر من القيصرية لما فيها من بذل وقت ومجهود أكبر بكثير من القيصرية.
- الأطباء محتاجة تتدرب أكثر في مجال الولادة الطبيعية والممارسات المبنية علي الدليل وأستخدام الجفت والشفاط.

✅*المستشفيات*

محتاجة يكون في system ونظام يكفل رعاية جيدة للأم أثناء الولادة 👈وتوفير جميع الوسائل الداعمة للولادة الطبيعية من حيث ترتيب غرفة الولادة وجعلها مكان مريح للأم والسماح بتواجد الدولات وتوفير وسائل الراحة المختلفة من مساج وتنفس وحرية حركة شاور حمام ماء دافي
ووضع سياسات لتنفيذ كل الممارسات المهمة المبنية علي الدليل العلمي في السماح بحرية الحركة والأكل والشرب وعدم إنفصال الأم والبيبي إلا للضرورة القصوي

✅*السوشيال ميديا*

عايزين نغير صورة فيلم (الحفيد) ونعمل أفلام وفيديوهات وقصص إيجابية للولادة الطبيعية الصح
عايزين ناس من السوشيال ميديا تتبني القضية ويكتب عنها ويشجع الأمهات.
❤️دا كلام من القلب ويارب كلامي يعمل حاجه في يوم من الايام
بقلم
دهناء ابو القاسم