أول شاور للبيبي

#أصحابي و صحباتي ☺️ هنا و محلك سر😶
بصوا👀 و شوفوا حاجاتي إنما إيه في السرررر 😄
دي فوطة صغنطوطة بصابونتي تحميني 🚿
أطلع و أنا مبسوطة و مشطي دا هو في يميني
كلنا عارفين طبعا الأغنية دي إللي بتفهمنا أهمية الاستحمام 🚿 لكن للأسف طلعوا بيضحكوا علينا 😏😏
من المتعارف عليه في المستشفيات🏥 أول ما البيبي👶🏻 يتولد هووووووب ياخد احلى شاور🚿🚿
لكن دلوقتي في معظم المستشفيات في أمريكا بتأخر أول شاور من 8 : 24 ساعة⏰ بعد الولادة

مش بس كدا دا فيه أبحاث📑 بتشجع الامهات 🙋 على تأخير أول شاور للبيبي لأيام بعد الولادة.😄

انهاردة انتي بنفسك🙋🏼‍♀ بعد ما تقري بوست مامز هيفن وتشرح لنا فيه د هناء ابو القاسم👩🏼‍⚕ أهمية تأخير أول شاور للبيبي هتقتنعي على طوول😉

1. مادة الفيرنكس المادة البيضة إللي بتكون محيطة بالبيبى👶 عشان تحميه من السائل الامنيوسي جوا رحم الأم الأبحاث أكدوا إنها تعتبر مرطب طبيعي لجلد البيبي وبيحمي بشرة البيبي من الجفاف لما بيتعرض للهوا الخارجي🌪 دا غير إن ليها ريحة جميلة جدا😍.
2. مادة الفيرنكس بتحمي البيبي من البكتيريا المحيطة بيه في كل مكان وتقلل فرص حدوث أي عدوى بكتيرية🤮 إللي بتسبب كتير من المضاعفات زي أمراض الجهاز التنفسي🤒 و الالتهاب الرئوي 🤕 .
3. البيبي بيقعد في بطن مامته🏼 9شهور مش سامع غير ضربات قلبها💓💓 وسامع صوتها🤗 ومتونس بيه😍 نيجي إحنا بعد الولادة على طول نبعده عن مامته وعن حضنها عشان ياخد شاور🚿
لكن لو فضل في حضن مامته جلده بيلمس جلدها دا بيدعم ويوطد علاقة البيبي بمامته💗 وبيهدي البيبي جدا جدا😇.
4. الأبحاث📑 أكدت إن البيبهات إللي من أول دقيقة في حضن مامتها ملامسة جلدها بتستمع برضاعة طبيعية بمعدل أسرع من البيبهات الي بيتم أخدها من حضن مامتها في أول دقيقة😭.
5. البيبي بيكون في رحم مامته في درجة حرارة🌡 ضعف درجة حرارة غرفة العمليات ولما بياخد شاور بتقل درجة حرارته اكتر إللي بتخليه سقعان😰 و بيستهلك منه طاقة أوكسجين كتير عشان يقدر يحافظ على درجة حرارة جسمه الصغنون😟.
6. نتيجة بعد البيبي عن حضن😣 مامته وعن سماع صوتها وضربات قلبها بيخليه يعيط😭 والعياط دا مؤشر البيبي بيديهولنا عشان يقولنا أنا مضايق ومش مرتاح الشاور بيزود الاحساس دا بالتالي بيتم إفراز هرمون التوتر في جسم البيبي😕 إللي بيقلل نسبة السكر في الدم على طول.
في الاخر أكيد نقدر نأخر شاور🛀🏻 البيبي في مقابل إنه يستفيد بكل الفوايد دي👍🏼
ممكن بس نمسح الدم وباقي الفضلات من البيبي والشاور🚿 المتين يتأجل حبتين😉.
قولي لطبيبك عن أهمية أول ساعة في حياة طفلك ودافعي عن حقك وحق البيبي💓💓💓.
متنسيش تعملي لايك👍 و فولو واكتبي كومنت✍️ عشان دايما يوصلك بوستاتنا وخليكي دايما فاكرة مع مامز هيفن الولادة بحب تغير العالم 💟💟
#حمل #ولادة #تأخير_اول_شاور_للبيبي #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة