ما هو جهاز منع الحمل «اللولب»

تعالي نتعرف على وسيلة من وسائل منع الحمل وهى اللولب أو الجهاز الذى يوضع فى الرحم لمنع الحمل😉.

💡ما هو جهاز منع الحمل «اللولب»🤔🤔؟

هو جهاز صغير من البلاستيك على شكل حرف «T» طوله 1.5 بوصه ويوضع فى الرحم ويعتبر وسيلة منع حمل آمنه وفعالة طويلة المدى👍🏻👍🏻

💡طيب ايه انواعه؟

1⃣اللولب النحاسى: هو الأكثر استخداما، وهو عبارة عن جهاز من البلاستيك على شكل حرف «T» ويلف بالنحاس، ويمكن أن يستمر فى مكانه لمدة من عشر سنوات ودا موحود في مكاتب الصحه و في العيادات الخاصه.
2⃣النوڤا T او المعروف بالفضي وهو على شكل T فيه فضه و ملفوف بالنحاس و حجمه اصغر من النحاسي شويه ومدته ١٠ سنوات و دا موجود في العيادات الخاصه
3⃣اللولب الهرمونى: هو عبارة عن جهاز صغير من البلاستيك على شكل حرف «T»، ويحتوى على هرمون البروجست ين فاعليته ٥ سنوات و دا موجود فقط في العيادات الخاصه

💡كيف يعمل هذا الجهاز على منع الحمل🙄؟

⬅اللولب النحاسى: يكون بيئة عير ملائمه للحيوانات المنوية🚫، يعمل النحاس علي حدوث التهاب غير بكتيري في جدار الرحم يمنع تعلق البويضة وزرعها في جدار الرحم.

⬅اللولب الهرمونى: البروجستين يجعل المخاط فى عنق الرحم سميك ولزج، وبالتالى يمنع عبور الحيوانات المنوية لداخل الرحم وأيضا يضعف نمو بطانة الرحم، حتى إذا نجح الحيوان المنوى فى العبور وتخصيب البويضة، فلا تستطيع البويضة المخصبة أن تنمو فى هذه البطانة.

حنجاوب على اسئله بنتسألها كتير😊☺

1⃣بسمع ان الناس بتحمل فوق اللولب🤔؟

اللولب فعال بنسبة 99% كوسيلة لمنع الحمل، ويعتبر الطريقة الأكثر فعالية من حيث التكلفة لمنع الحمل عبر فترة طويلة من الزمن🆗. كل إللي عليكي تتطمن على اللوب مرة شهريا وذلك بانك تحسي الخيط في مكانه بعد كل دوره شهريه.

اللولب الهرموني تكلفته عاليه 💴💵و بنستخدمه اكثر لو السيده ركبت اللولب النحاسي وسبب لها نزيف💉💉 أو بتشتكي من دورة شهرية ثقيلة وطويلة و مؤلمة .

2⃣حتسألي ممكن احمل بعد ما اشيله ولا بيأثر على قدرتي على الحمل😵😲؟

ما تقلقيش اللولب لا يؤثر على قدرتك على الحمل 🤰🏼،يعني تشيلي اللوب و تكوني جاهزه للحمل✅.

3⃣طيب ممكن استخدمه وانا برضع 🍼🍼؟؟

ايوا ممكن آمن تماما👍🏻 أثناء الرضاعة الطبيعية وكلا النوعين مش بيأثروا علي كمية اومكونات اللبن.

4⃣انا عايزه اركب لولب هوالتركيب مؤلم😰😨؟

ممكن حدوث ألم مؤقت ومغص ممكن يستمر عدة ايام بعد التركيب.

5⃣ازاي اللولب بيتركب؟

كل ما تحتاجينه هو زيارة إلى عيادة الطبيب يفضل في آخر بوم الدوره
قبل التركيب سيدخل الطبيب منظار طبى فى المهبل مش مؤلم بس انت استرخي اثناء التركيب يتم تطهير المهبل وعنق الرحم اولا ويتم قياس طول الرحم و اتجاهه قبل التركيب
ثم يتم إدخال اللولب .بعد كده الطبيب حيعملك اشعه تلفزيونيه📺 للتاكد من تركيبه ووضعه جيدا👌👌

6⃣ازاي اقدر اتحكم في الوجع بعد التركيب😫؟

ممكن تاخدي مسكن من مسكنات الايبوبروفين💊 قبل التركيب بساعة وبعد التركيب يممكن تاخدي مسكنات 💊عند اللزوم
الاسترخاء التام 🛌🏼وقت التركيب هو السر عشان تقللي الالم😉.
ممكن ان يتم تركيبه بعد القيصريه ولكن النتائج غير مضمونه😬.

7⃣المتابعة بتبقى ازاي؟

بعد اسبوع📆 من التركيب للاطمئنان على وضع اللولب وعدم حدوث التهاب او عدوى وبعد انتهاء البريود وبعدين كل 6 شهر ثم سنويا بس انت اطمني بنفسك عليه شهريا.

8⃣كيفية فحص اللولب بنفسك🙋🏻؟

من السهل والضرورى فحص اللولب بنفسك مرة كل شهر ، عن طريق التأكد من موضع الخيط الموصول باللولب✅ .
بعد الانتهاء من الدورة الشهرية ينصح بفحص موضع خيط اللولب .
تحسسى مكان الخيط بإصبعك بعد غسل اليدين جيدا بالماء والصابون👐.
لو مش بتجيلك البيريود بانتظام خصوصا مع اللوب الهرموني حددي يوم معين سهل تفتكريه وليكن يوم 1 في الشهر واتطمني على وجود الخيط.

9⃣ممكن البيريود تتغير بعد التركيب؟

اللوب الهرموني ممكن يؤدي إلي عدم انتظام الدورة أول ٣الي ٦ شهور وبعد كدا بتنزل البيريود خفيفة واقصر من الأول بس هو هرموني يعني فيه كل الاعراض الجانبيه بتاعه الهرمونات.
اللوب النحاسية والفضي بيسبب زيادة فى فترة و كميه الدم 💉💉مع حدوث بعض التقلصات الخفيفة وآلام في الحوض🤕 .

1⃣0⃣هل ممكن ان يشعر زوجي بالولب اثناء العلاقة الزوجية💑؟

نتيجة وجود اللوب في الرحم مش بتشعري إنت ولا زوجك بالجهاز ولكن ممكن إن يشعر زوجك في احيان قليله بالخيط لوجوده في المهبل .

1⃣1⃣امتى احس ان فيه خطر و لازم اروح للدكتور👨‍⚕👩🏼‍⚕؟

حدوث نزيف الشديد اوالم شديد في الحوض🤒🤕.
لو لم تشعري بوجود الخيط.
حدوث سخونية
زيادة الإفرازات المهبلية كريهة الرائحة.
ألم أو نزف اثناء العلاقة الحميمة.

1⃣2⃣سمعنا عن ان اللولب ممكن يقع او مكانه يتغير او يدخل في الجسم؟

ممكن يحصل كده في نسبه قليله لو اللولب مش متركب صح علشان كده المتابعه مهمه جدا
لو مش حاسه اللولب في مكانه روخي اطمني عند الدكتور بالسونار
لو وقع او اتغير مكانه والدكتور اتاكد من كده بالسونار حيشيله وحسب السبب حيقدر ينصحك تعملي ايه

1⃣3⃣جوزي بيحس بالخيط و متضايق منه؟

المفروض انه مش بيحس بيه لان الخيط طري و بيكون مع الافرازات الطبيعيه في المهبل اطرى لو حصل كده ممكن يكون طول الخيط عايز يتظبط روحي لطبيبك حيحل المشكله دي

1⃣4⃣هل خلع اللولب صعب😫؟

ابدا سهل جدا و غير مؤلم☺

طب أعمل إيه لو طلعت حامل وأنا مركبه الجهاز؟

أول حاجة اطمني عند طبيبك انه حمل مش خارج الرحم
لو كله تمام ححاول الطبيب إنه يشيله للخوف من حدوث عدوى.
لو لم يستطيع ازالته بيتم المتابعة الجيدة اثناء فترة الحمل الاولى.

1⃣5⃣هل هحتاج لوسيله منع حمل تانية لغاية ما مفعول اللوب يبدأ ؟

لو النحاسي او الفضي حيبدأ مفعوله فورا.
لو الهرموني بيبدأ مفعوله بعد ٧ أيام من تركيبه
تقدري تستخدمي الواقي الذكري في أول أسبوع بعد التركيب.
استنينا في بوست بكرة تعرفي#نصائح_مامز_هافين ليكي عشان تعرفي إزاي تركبي لولب بأقل ألم ممكن 😍

وخليكي دايما فاكرة مع مامز هيفن:

Birthing with love change the world 💖💗

الولادة بحب تغير العالم❤💖

لو عندك اي استفسار متتردديش انك تكلمينا من الساعة 1 ظ إلى الساعة 9 م
01016483013

#mums_haven_iud
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #وسائل_منع_الحمل