الخميس، 19 سبتمبر 2019

٦ حقائق علميه عن لبن الأم

كلنا طبعا عارفين اهمية🍼 لبن الأم 🍼 و فوايده الكثيرة للبيبي ولاننا بنحب نشجع امهات مامز هيفن ال سوبر ماميز💪💪 على الرضاعه الطبيعيه
معانا في صدقي او لا تصدقي ٦ حقائق علميه عن لبن الأم 👩
١-لبن الام🍼 بيختلف باختلاف نوع البيبي😉 : اثبتت الابحاث أن لبن الأم اللي بترضع بيبي ولد👦 بيبقى فيه دهون و بروتين اكثر من من لبن الأم اللي بترضع بنت👧.
تفرقه عنصريه بقى🙈
٢-لبن الأم🍼 بيتغير بنمو البيبي وزيادة عمره كل ما يكبر البيبي بتزيد نسبة الدهون ومكونات الطاقة في اللبن📈.
حاجه جامده جداً💪
٣-بيختلف تكوين لبن الأم🍼 لما بيكون البيبي مريض🤕🤒 فبيزيد فيه الاجسام المضادة اللي بتحمي البيبي من البكتيريا والفيروسات ودا عن طريق لعاب البيبي المريض الملامس لحلمة الأم بيبعت اشارات لمخ الأم لزيادة انتاج الاجسام المضادة في اللبن. مش اي اي دا لبن الأم😍
٤-الأولاد👧👶 اللي بيعتمدوا على الرضاعة الطبيعية عرضة اقل من غيرهم للاصابة بالحساسية والازمات الصدرية دا بسبب وجود احماض دهنية في لبن الأم فبتزود💪 مناعة البيبي💪.دا مش اي بيبي دا بيبي راضع من مامته💟💟
٥-🍼لبن الأم🍼 مصمم خصيصا لأطفالنا الأذكياء لاحتوائه على اكثر من 200 نوع من السكريات (اوليجوساكرايدس) اللي بتزود نسبة الذكاء وبتدعمه.🤗
😎مش اي بيبي دا ذكاء كمان😎
٦-الرضاعة اثناء الليل بتشجع البيبهات على النوم😴 عشان اللبن فيه مواد مهدئة ومعززة للنوم.
يعني من الآخر بيبي 😴عامل دماغ،
الرضاعة الطبيعية🌷🌷يتعتبر تحدى للأم ومصدر للتعب والازعاج الشديد 😫ولكن بتعتبر اعظم هدية ممكن تقدمها الأم لطفلها مش عشان بس هي بتساعد على نمو البيبي لا لأن فيها قوة سحرية كمان🔮
مع💗 مامز هاڤين💗 حتعرفي الغريب و الطريف وحنشجعك تولدي و ترضعي وانت في قمه السعاده والفخر انت أم 😘
#حمل #ولادة #رضاعه_طبيعية
#magical_milk

متصدقيش ان الرضاعه الطبيعيه بتوجع



متصدقيش 😳 ان الرضاعه الطبيعيه بتوجع 😫
ومتسمعيش كلام حد يقولك كلها كام اسبوع و يروح الوجع و تتعودي😌😌
وزي ما بنقول ولاده بدون الم😉
حنقول بالفم المليان معا لرضاعه بدون الم😉
علشان كده انهاردة هنتكلم عن اسباب ممكن تخليكي موجوعه وانت بترضعي اعرفيها علشان تحلي مشكلتك و ترضعي صح بدون الم🤗
- لو البيبي وضعه مش صح👶 الصح ان بطنه لبطنك لازق فيكي الهاله الغامقه كلها جوه بقه شفته👄 اللي فوق مقلوبه لفوق لازم تعرفي ازاي تحطيها صح كل اللي حتحسيه هو شعور المص او الشفط مش الألم اتكلمنا عن الوضع الصح بالتفصيل في بوست قبل كده.
📌بعد الولاده بيومين ثلاثه حتحسي وجع جامد اوي😣 وثقل زيادة وحتحسي كان صدرك حينفجر وقتها افرحي😃 صدرك مليان لبن والرزق كتير😍 بس حتحتاجي تعصري شويه لبن و تدلكي صدرك ناحيه الحلمه علشان تفضي اللبن الزياده ممكن تديه للبيبي طبعا متقلقيش ان شاء الله دا مش حيتكرر😘
📌التشققات حول الحلمة مؤلمه😫 سببها غالباً وضع البيبي مش صح لازم تاخدي لها كريم و تعالجيها استشيري طبيبك لمعرفة العلاج المناسب لحالك الصحية😉
📌ممكن وجود حبوب بيضاء اللون على الحلمة بتسبب ألم😱 في الرضاعة ودي مشكلة بسيطة بتخف لوحدها لكن لو ألمها شديد اعملى كمادات دافية وامسحي بقطعة قماش نظيفة لإزالة الجلد الزايد وابدئي اضغطي على صدرك لخروج اللبن لو رجعت تاني وسببت ألم استشيري طبيبك علشان ممكن تكون فطريات ممكن تلاقي زيها في سقف فم البيبي👶 .
📌 لو فيه اي كلاكيع صغيرة في صدرك بتوجعك😭 دا ممكن يكون انسداد في قناة لبنية العلاج يكون بتكرار الرضاعة الكمادات الدافئة والمساج💆 بيريحوا جدا جدا خدي بالك لو الوجع زاد او الجلد احمر او عندك سخونيه🤒 روحي اكشفي فورا دا ممكن يكون لا قدر الله صديد ومحتاج مضاد حيوي. 💊
📌التسنين وما ادراكي ما التسنين.
طبعا مش معنى إن البيبي 👶 بدأ يسنن إنك تفطميه عادة التسنين بيبدأ وعمر البيبي من 4 إلي 7 شهور
وعشان اللثة بتاكل البيبي ممكن يعضك عشان يستريح استخدمي عضاضة نظيفة في الثلاجة قبل الرضاعه مباشرة لتهدية اللثة ☺️
لما يكون عندك مشكلة 🙅في الرضاعه احسن حاجه تعمليها تستشيري طبيية الرضاعة الطبيعية😍 وتاخدي منها معاد اقولك حتى لو مفيش مشكلة 😎 لقاء مع استشاري رضاعه طبيعيه قبل او بعد الولاده مباشره بيساعدك اوي وبيوفر عليكي حاجات كتير و يوفر لك رضاعه صح😉
#مامز_هافين
💕💕💕💕💕💕💕💕💕💕💕💕💕💕💕💕

هل ينفع أرضع تأتي بعد توقفي عن الرضاعة الطبيعية

مع 💕💕مامز هاڤين💕💕 مفيش مستحيل و اللي عايزاه حيكون😉 مش علشان حاجه الا لانك ام قويه 💪وواعيه علشان كده لكل أم وقفت الرضاعه الطبيعيه 🍼🍼لاي سبب وبتسأل هل ينفع أرضع تأتي بعد توقفي عن الرضاعة الطبيعية ؟🤔
إحنا بنطمنك ونبشرك ونقولك ايوا تقدري بإذن الله تعالي😍 مع بعض نفهم ايه اللي بيخلي اللبن يتكون ☺️في الاول هرمون البرولاكتين اللي بيتكون عندك اثناء الحمل و الولاده بيخلي الغدد اللبنيه تتكون بس علشان يفضل عندك لبن هي عمليه الرضاعه و السحب او المص اللي بيعمله البيبي👶 واللي بحفز هرمون البرولاكتين يعني ببساطه على قد ما البيبي يمص على قد ما تكون كمية اللبن اللي بتنتج يعني الانتاج حسب الطلب😄
☀️☀️يعني بعد الكلام دا كله الرضاعة تاني بعد ما الأم وقفت حاجه سهله؟☀️☀️
بيختلف من أم للتانية فيه أمهات بترجع بسهولة بنفس كمية اللبن وفيه بترجع ترضع بس اللبن أقل وفيه أمهات تعاني عشان تقدر تنتج اللبن.
لكن لازم تعرفي إن ارادتك وعزيمتك🏋️ تعتبر أهم عامل عشان تقدري ترضعي البيبي تاني💪.
شوية نصائح ليكي تبدأي تعمليها بس خليكي متفائلة وصبورة
❣اعرضي صدرك للبيبي دايما وحاولي تخليه يرضع واوعي اوعي تغصبيه على الرضاعة.
❣(اختاري الوقت الصح )حاولي ترضعيه دايما في الاوقات إللي بيبقى مسترخي فيها زي قبل النوم مباشرة واول ما بيصحى.
❣(اضحكي عليه)استخدمي ببرونة الحلمة بتاعتها نفس شكل حلمة الام فميستغربش عملية الرضاعة يبقى أتعود عليها.
❣ (اعملي الخدعه دي) استخدمي جهاز مدعم للرضاعة الطبيعية (زي الصورة كدا) دا جهاز بيبقي طالع منه أنبوبة رفيعة اوي وانتي بترضعي البيبي بتحطي الأنبوبة في بقه عشان ينزل منها لبن فيحب الرضاعة ويحس إنه بيشبع منها وإن تعبه بفايدة والصدر مش فاضي.
❣( القرب مهم )خلي جلدك ملامس لجلده وقت الرضاعة بتحفز إنتاج اللبن.
❣(اختاري الوضع الصح) خليكي دايما في الوضع البيولوجي كنا اتكلمنا عنه في بوست سابق إللي بتبقي نايمة نص نومه وهو على صدرك
https://www.facebook.com/mumshavenclinic/posts/2123388924347513
❣( زودي المص )
استخدمي شفاط اللبن ٨مرات يوميا كل مرة ٥ دقائق.
❣(حفزي صدرك)اعملي مساج للصدر وتعصير للبن بايدك.
❣(اتغذي كويس) فيه أدوية و مكملات غذائية يس لازم تستشيري الطبيب الأول عشان يكتبهالك
استعيني بالاعشاب إللي بتزود إنتاج اللبن وكنا اتكلمنا قبل كدا عن كوكيز الرضاعة
اعشاب تساعد في الرضاعة:
https://www.facebook.com/mumshavenclinic/posts/1406446706041742
وفي الاخر خليكي عارفة إن رحلة الحمل والولادة رحلة شاقة ومتعبة بس لذيذة وممتعة و انت قدها ونص😘
قوليلنا ✍ هل مريتي بالتجربة دي قبل كدا ؟
و عملتي ايه؟🤔
مستنينك تحكيلنا وإحنا نسمعك ❤❤
#حمل #ولادة #قوة #ولادة_طبيعية_آمنة #مامز_هافين #رضاعه_طبيعية

ارضع البيبي كل كام ساعه؟

محتارة😥
ارضع البيبي كل كام ساعه؟🕛
كل ساعتين ولا تلاتة؟😫
طيب كل ما يعيط ؟😭
طيب كل ما يطلب؟😯
ولما يرضع اسيبه قد إيه على كل صدر؟🤔
تعالي مع #مامز_هاڤين و النصائح الذهبية للرضاعة الطبيعيه😍
متبصيش للساعه🕛 انسي الوقت وركزي بس مع البيبي هو إللي يقرر ويتحكم ويؤمر وينهي براحته😊
يعني طول ما بيرضع سيبيه يرضع ويرضع الوقت اللي عايزه ولما يحس انه شبع حيوقف رضاعه او (حيتدلع و يمزمز)😍 سيبيه براحته وانقليه الصدر التاني يكمل منه ولما يبطل رضاعه شيليه براحه كرعيه ونيميه على السرير براحه برده لو كحيتي ولا عملتي صوت ذنبك على جنبك😂😂
لانه كده كده شويه و حيصحى تاني وحيكون عايز يرضع خديه رضعيه اصل صدرك مش بس لبن دا حب وحنان وأمان
ربحتك وضربات قلبك وقربك دا العالم بتاعه سيبيه يتمتع وانت كمان اتمتعي😍
البيبي اللي حتسيبيه يرضع و يوقف رضاعه بمزاجه حتنمو عنده حاسة الشبع صح ✅لان لما نعرف ان الطبيعي انه في الاسابيع الاولى حيرضع ييجي ١٢ مره في اليوم والرضعه ممكن تستمر من ٥-٦٠ دقيقه متستغربيش اتفقنا ان براحته حتعرفي ان البيبي بياخد غذاه مظبوط لما تلاقيه بيعمل حمام كويس و لما تروحي لطبيب الاطفال وتلاقي نموه كويس 💪
البيبي بيكون عنده طفره في النمو عند الشهر الثالث و السادس و بعد كده حتلاقي الرضاعه مراتها قلت و حترتاحي وتقولي فين ايام زمان لما كان مش بيسيب حضني🤗
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #مامز_هافين