الخميس، 19 سبتمبر 2019

زيادة السائل الامنيوسي المحيط بالبيبي


حنتكلم باستفاضه عن المشاكل اللي ممكن تحصل في الماء اللي حول البيبي 👶

زيادة السائل الامنيوسي المحيط بالبيبي (يعني الميا اللي حول البيبي زياده عن الطبيعي).🙀

اكيد لو أي حامل 🤰🏼عندها ميا زياده حتحس ببعض الاعراض ايه الأعراض اللي سببها ان بطنها اكبر من العادي يعني تحس مثلاً ان بطنها اكبر من مده الحمل او بتكبر بسرعه🙄، الم زياده وتقل زياده في البطن و الظهر متقلقيش بس تابعي الحمل واعملي موجات صوتيه📺 علشان تتطمني على كمية الميا حول البيبي
طبيبك المعالج 🙋حيعملك موجات صوتيه لتحديد كمية الماء حول البيبي بيقيس اكبر جيب ماء في الاربع اركان حول البيبي الطبيعي بيكون من ٥ : ٢٥ سم لو اكتر من ٢٥ بيعتبر زيادة.😯
حتلاقي مكتوب عندك في السونار AFI (amniotic fluid index) والقياس

الزيادة دي معناها ايه؟

احيانا كتير الأطباء مش بيلاقو سبب معين 🤔
واحيانا بيكون لها اسباب مرضيه،
١. يكون الأم عندها سكر حمل.😪
٢. تكون حامل في توائم.😫
٣ او لا قدر الله وجود عيوب خلقية بتمنع البيبي من البلع بس الكلى شغاله و بتطلع بول.😓
٤. اوالحمل فيه عيوب وراثية زي الحمل بطفل داون🤕.
٥. إصابة البيبي بالانيميا بسبب عدم توافق الدم RH.😳

📌طيب لو تم تشخيص بزيادة السائل الأمنيوسي أعمل ايه؟😣

١. هيطلب منك طبيبك اجراء سونار عالي الدقة 📺في مكان متخصص لطب الجنين للكشف عن وجود أي أمراض وراثية أو خلقية للبيبي او يطلب بزل وتحليل للسائل الامنيوسي😯
٢. عمل تحليل سكر💉.
٣. وكمان قياس ضربات القلب للبيبي وقت راحته و وقت حركته ومتابعتها برسم قلب للبيبي💟
٥. هيطلب طبيبك المتابعة الجيدة لان ممكن تولدي بدري عن معادك.

📌طيب في الولاده في خطر؟🤔

اعرفي ان الرحم دلوقتي اكبر من حجمه العادي في حالة زيادة السائل الامنيوسي علشان كده لازم تكوني واعيه🙋 ان الولاده ممكن اولا تكون بدري ، ممكن لو نزل عليكي الماء بدري يكون معاه الحبل السري و دا يتطلب قيصريه عاجله المشاكل اللي ممكن تحصل من انفصال المشيمه المبكر و احتماليه النزيف بعد الولاده بتكون اكتر لكن متقلقيش كل دا بيقدر طبيب النساء و التوليد يتعامل معه بمهاره😍
تابعينا دائما عشان #مامز_هاڤين بتخاف عليك 😍
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #مامز_هافين #السائل_الامنيوسي

الماء حول البيبي قليل


الماء حول البيبي قليل!!😫

كلنا عارفين إن البيبي بيكون محاط بسائل امنيوسي له كمية معينة وفوائد كثيرة كنا اتكلمنا عنها في بوست سابق💁
https://m.facebook.com/story.php?story_fbid=1888882141131527&id=207188805967544

ممكن في بعض الاحيان إن الماء إللي حوالين البيبي تقل👶 تعالي مع #مامز_هاڤين و #د_هناء_أبو_القاسم نتعرف ببساطة على قلة السائل الامنيوسي المحيط بالبيبى.

إزاي تعرفي إن كمية السائل قليلة؟🤕

بعض الأمهات بتحس إن بطنها أصغر من العادي، أو بينزل عليها ماء واحياناً تكتشف اثناء متابعة الحمل الروتينيه بالموجات الصوتية.📺
طيب ايه السبب ؟🤔
كثير من الاوقات ميبقاش فيه سبب واضح.
لكن في بعض الأسباب اللي ممكن تكون سبب:
١. ( جيب الماء أتفتح) ودا بتشتكي فيه الحامل إن بينزل عليها ماء أو بلل الملابس الداخلية 👙، لو حصل معاكي كدا لازم تكشفي و طبيبك حيفحصك ويقدر يعرف دا ماء من حوالين البيبي ولا إفرازات مهبليه.🤔
لو كان دا ثقب في الغشاء الامنيوسي حيطلب منك الراحة و يوصفلك مضاد حيوي.💊
٢. وجود مشكلة في المشيمة (الخلاص) ومش بيوصل غذاء كويس للبيبي وبيخلي البيبي مش بيعمل بول كويس وبالتالي بتقل الماية حول البيبي.😥
٣. بعض الامراض المرتبطة بالحمل زي تسمم الحمل ، الضغط العالي، الامراض المناعية والسكري.😣
٤. الحمل بتؤام أو أكثر.👶👶
٤. لو لأقدر الله البيبي عنده عيب خلقي أو مشاكل في الكلى مش بتخليه يعمل بول .🤕
طيب وايه الحل وحنعمل ايه ؟🤔
السؤال ده مش سهل اجابته لإنه بيعتمد انتي في الاسبوع الكام؟ حالة البيبي وصحته؟ وطبعا حالتك الصحية.
تابعي مع طبيبك جيدا وعلى فترات متقاربة و طبيبك حيطلب منك:
عمل سونار دقيق للبيبي
عمل دوبلار .


رسم قلب للبيبي.💟

الولادة حتكون ايه؟🤔

طبعا الولادة الطبيعية هنا مش دايما بتكون الاختيار الاصوب لأن البيبي بيكون حركته قليلة لإنه مش عارف يتحرك بسبب قلة الماية حواليه.
دا غير إن الطلق وقتها ممكن يضغط على الحبل السري إللي بيوصل الغذاء للبيبي.
القيصرية الآمنة بتكون هنا الاختيار الاصوب.👍
#مامز_هافين #حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #السائل_الامنيوسي


الضغط على البطن بعد الولادة

كثير من الامهات🙋 اشتكت إن بعد الولادة الممرضة بتيجي تضغط على بطنها😥 وتقولها كده تمام الامهات مش فاهمه هو ليه بيتعمل كده وهو ايه دا التمام ؟🤔

بعد ما ولدتي ورجعتي غرفتك بالسلامة💞 الطبيب بيوصلي بالملاحظة الدقيقة جدا خلال الساعات الأولى بعدالولاده ⏱ والتأكد من انقباض الرحم وإن كمية الدم طبيعية💉 لأن المرحلة دي إسمها المرحلة الرابعة للولادة وهي مهمة جدا لأن بعض الأمهات ممكن لا قدر الله تنزف بعد الولادة.🤕
عشان كدا الطبيب بيطلب من التمريض إنهم يلاحظ وا الأم ويعملوا تدليك للرحم بعد الولادة وبيكتب في ال ملحوظات 📃 يتم تدليك الرحم كل نصف ساعة لمدة ٤ ساعات الأولى بعد الولادة.🕛
التدليك دا بيتم إن الممرضة بتقوم بوضع راحة يدها على الرحم إللي بيكون عادة تحت مستوى السرة وتحركها بشكل دائري وفي نفس الوقت تلاحظ كمية الدم المتدفقة.
المفروض إن الممارسة دي مش مؤلمة اوي إذا تمت بالطريقة الصحيحة.😉
انتي ممكن تعمليها لنفسك كمان🤗 وتساعدي نفسك إن الرحم يرجع لحجمه و ومكانه كمان قومي بتدليك الرحم يوميا كمان بالرضاعة الطبيعية بتساعد على انقباض الرحم ممكن كمان تنامي على بطنك ١٠ دقائق ٣مرات يوميا وانتي حاطة زي فوطة مبرومة تحت السرة عشان تساعد على رجوع الرحم مكانه بشكل أسرع.👍
مع تمنيات مامز هـاڤين بولادة آمنة ورحيمة 💟 💟 💟
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #مامز_هافين

الرضاعه و منع الحمل


مع اني برضع نظيف بس حملت؟🙄
ازاي دا حصل😫؟ انا لسه البيبي اقل من سنه و مرجعتليش البيريود🤔

علشان دا سيناريو متكرر📽️، وبيجي لمامز هاڤين أسئلة كتيرة عن الحمل وقت الرضاعة💟 د هناء ابو القاسم💟 هترد عليكي💗 و هتقولك ايه الصح👍👍 في موضوع الرضاعه و منع الحمل🤔

الرضاعة مينفعش تعتمدي عليها
كوسيلة لمنع الحمل🙅 الا اذا مكنش عندك مانع تحملي تاني🙆.
ببساطة الرضاعة بتأخر التبويض ولكن منقدرش نعرف لامتى 😲 لانه بتختلف من سيدة لاخرى، والتبويض ممكن يحصل و لسه البيريود مرجعتش🙄
ازاي😰؟
معدل الخصوبة بيبقى عادي في فترة التبويض و ده بيحصل قبل الدورة الشهرية ب١٢-١٦ يوم🗓️

الرضاعة الطبيعية👶 لتحديد النسل (LAM) هي وسيلة فعالة بس لو طفلك كان اصغر من ٦ اشهر و بترضعيه بشكل دائم و لسه الدورة الشهرية مرجعتلكيش😉

لتفادي الحمل بعد ولادة طفلك💏 استخدمي وسائل منع الحمل الآمنه مع الرضاعه واهمها اللولب🏹 او حبوب منع الحمل الخاصه بالرضاعه.💊💊
مامز هافين دايماً بتفكر فيكي وبتجاوب عن كل تساؤلاتك❤❤
💖💗متنسيش تعملي لايك 👍وشير عشان دايما توصلك بوستات مامز هيفن واكتبي✍️ كومنت باي استفسار ليكي💗💖
#مامز_هافين
#حمل_مع_رضاعة
#mums_haven_lam
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة

ينفع ارضع وانا حامل؟



انا حامل👩
مبروك👍
بس انا لسه مفطمتش ابني😔
لسه متمش سنتين😰

ينفع ارضع وانا حامل؟🤔🤰🏻

طبعاً ينفع ✅✅✅ ممكن ترضعي وانت حامل و مفيش داعي ابدا تفطمي ابنك بدري 😊
بعض الامهات بتخاف ترضع و هي حامل😱 عشان بتقلق ان الرضاعة تقلل من الغذاء الي بيوصل للجنين او ان كمية اللبن تقل عشان الجنين بياخد كل الفوائد الغذائية
لكن هذا غير صحيح☝🏼 ربنا خلقنا احنا الستات جامدين اوي 💪🙋💪 و نقدر ايوه العظمه اللي ربنا خلقنا بيها تخلينا نقدر نحمل و نرضع في نفس الوقت 💪👩💪
كل المطلوب منك انك تاكلي كويس اوي اكل صحي و متوازن 🍉🍎🍓🍆🍋🌽🍳💧و تشربي ماء بكثره .
خليكي عارفه شوية حاجات ممكن تلاحظيها لو بترضعي و انتي حامل و دي حاجات طبيعية جداً مفيش منها اي قلق 👀
👈طبيعي ان الثدي و الحلمة يكونوا مؤلمين اكثر و انت حامل و بترضعي،
👈 طبيعي ان اللبن يكون كميته اقل شوية
🙋 امهات كتير بتخاف ان الرضاعة و تحفيز الحلمة ممكن يؤدي للولادة المبكرة . حيث ان تحفيز الحلمة بينشط افراز هرمون الاوكسيتوسين اللي بيزيد انتاج اللبن و بيساعد فالولادة لكن كمية الهرمون الي بيتم افرازها اقل
من انها تحفز المخاض لكن ممكن تحسي بشوية انقباضات و ده طبيعي جدا .
🔔المفروض توقفي الرضاعه في حال وجود اي سبب طبي ممكن يسبب ولادة مبكرة و طبيبك نصحك بالراحة التامه.
مركز مامز هافين للولاده الآمنه دايماً هيجاوب على كل اللي في بالك من قبل ما تسألي💟
#حمل_رضاعه