الخميس، 19 سبتمبر 2019

رياضة المشي للحوامل

تابع رياضات الحمل 🤩

رياضة المشي🚶🏼‍♀ للحوامل🤰🏼

ليه المشي مهم؟

المشي من الرياضات الهامة للأم الحامل🤰🏼 لأنها بتقوي عضلة💪🏻 إسمها ( psoas muscle) العضلة دي كبيرة وماسكة من أسفل الظهر للحوض😉.
المشي الصح ( المشي المد)🙈 بيقوي وبيسترتش العضلة ويزود مرونة عضلات الحوض ونزول رأس البيبي👶🏻 من مدخل الحوض ( خاصة لو اتعملت مع باقي رياضات الحمل)🤸🏼‍♀.

تعالي اعرفي المشي الصح ازاي:

⏩ يكون مد مش شوبينج 😅
⏩ امشي كل يوم أو على الأقل ٥مرات في الأسبوع.
⏩ امشي من ٤- ٥ كيلو يوميا ابدئي براحة ( سخني عضلاتك الأول) 🚶🏼‍♀وبعد كدا مدي 🏃🏼‍♀بس من غير ما نفسك يبقى سريع يعني تقدري تقولي جملة بصوت واضح وبعد كده هدي تاني علشان عضلاتك متشدش🥰.
⏩ إختاري الجو الكويس أو المشمس في الساعات الأولى أو ساعات الغروب⛅.
⏩ البسي شوز مريحة👟 وخلى ماء معاكي🥤.

⏩ كل الأمهات تقدر تمارس رياضة المشي ماعدا:

١. الأمهات إللي الطبيب منعها من الحركة 🙅🏼وقالها راحة تامة في الفراش وعدم الحركة.
٢. الأم إللي عندها وجع 😔في Symphysis pupis. مفصل الحوض الأمامي تقدر تلبس حزام يمسك المفصل دا قبل المشي☺.
يلا رياضه🤩 ومشي على البحر🌊
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة

امتى احس بحركة البيبي؟



امتى احس بحركة البيبي؟

هو انا ححس بإيه؟😍🤔
لو البيبي مش بيتحرك كويس أعمل ايه😖؟
..تساؤلات كثيرة مهمه لكل حامل وهى مستنيه تحس اول حركة للبيبي، *مركز مامز هافين للولاده الآمنه تحت رعايه د هناء ابو القاسم* حيشرحلك كل حاجه خاصة بحركة البيبي😍💓
👈حتبدئي تحسي بالحركة في الشهر الخامس أو السادس (16-22اسبوع) مش قبل كده 🤰🏻، بس انتى هتشوفيه بيتحرك كويس فى السونار من الشهر الاول.
لو دا مش اول حمل ممكن تحسيه بدرى شويه علشان بقيتى خبره وعارفه حركتة💪🏻😁 ،لو وزنك قليل برده ممكن تحسيه بدرى.

طيب عارفه حتحسي بإبه؟

حركة البيبي الأمهات بتوصفها انه احساس شبه فرقعه الفشار ،سمكه بتعوم🐠 ،فراشه بتتحرك🦋، احيانا تقول عليها غازات بس اول ماتبدتي تحسى بيها هتعرفيها كويس.
فى الأول مش هتحسى بحركة البيبي بشكل منتظم عشان مش كل حركه بيتحركها بتحسيها لكن مع تقدم الحمل احساسك بحركةالبيبي المنتظمة مهمة جداا

كتير من الامهات تتسأل هو في أخر الحمل البيبي حركته بتقل🙁🤔؟

الجواب لا ✖هو البيبي لما بيكبر حركته بتبقي مختلفه عن الأول لأنه مش بيتشقلب ولكن في المجمل بيتحرك كويس كل أم بتعرف أمتى البيبي يكون نشيط وبيتحرك كويس 👶🏼🤰🏻خليكي عارفه امتى يكون صاحي ونشط لان ده مهم جدا في معرفه أن البيبي كويس ☝🏼

لو حسيتي إن الحركه قلت ده ممكن يكون مؤشر خطر😨 عشان كده المفروض تعملي الآتي

* كلي حاجه حلوةمثل الشكولاته)*🍫
*اجلسي في مكان هادى(استلقي علي جنبك الشمال)*
*اختاري الوقت إلي يكون البيبي فيه نشيط تابعي وركزي مع حركته لو البيبي ماتحركش (10حركات)خلال ساعتين لازم تتصلي بطبيبك

عارفه حيعملك ايه👩؟

*هيعمل الأتي*
-هيعمل 👈موجات صوتيه يطمنك على البيبي
‏Non-stress test
و كمان رسم نبض الجنين
🙋 خليكي دايما مطمنه على البيبي، حركته مهمه،كلميه، لاعبيه، حيسمعك و يحس بيكي👼

زيادة السائل الامنيوسي المحيط بالبيبي


حنتكلم باستفاضه عن المشاكل اللي ممكن تحصل في الماء اللي حول البيبي 👶

زيادة السائل الامنيوسي المحيط بالبيبي (يعني الميا اللي حول البيبي زياده عن الطبيعي).🙀

اكيد لو أي حامل 🤰🏼عندها ميا زياده حتحس ببعض الاعراض ايه الأعراض اللي سببها ان بطنها اكبر من العادي يعني تحس مثلاً ان بطنها اكبر من مده الحمل او بتكبر بسرعه🙄، الم زياده وتقل زياده في البطن و الظهر متقلقيش بس تابعي الحمل واعملي موجات صوتيه📺 علشان تتطمني على كمية الميا حول البيبي
طبيبك المعالج 🙋حيعملك موجات صوتيه لتحديد كمية الماء حول البيبي بيقيس اكبر جيب ماء في الاربع اركان حول البيبي الطبيعي بيكون من ٥ : ٢٥ سم لو اكتر من ٢٥ بيعتبر زيادة.😯
حتلاقي مكتوب عندك في السونار AFI (amniotic fluid index) والقياس

الزيادة دي معناها ايه؟

احيانا كتير الأطباء مش بيلاقو سبب معين 🤔
واحيانا بيكون لها اسباب مرضيه،
١. يكون الأم عندها سكر حمل.😪
٢. تكون حامل في توائم.😫
٣ او لا قدر الله وجود عيوب خلقية بتمنع البيبي من البلع بس الكلى شغاله و بتطلع بول.😓
٤. اوالحمل فيه عيوب وراثية زي الحمل بطفل داون🤕.
٥. إصابة البيبي بالانيميا بسبب عدم توافق الدم RH.😳

📌طيب لو تم تشخيص بزيادة السائل الأمنيوسي أعمل ايه؟😣

١. هيطلب منك طبيبك اجراء سونار عالي الدقة 📺في مكان متخصص لطب الجنين للكشف عن وجود أي أمراض وراثية أو خلقية للبيبي او يطلب بزل وتحليل للسائل الامنيوسي😯
٢. عمل تحليل سكر💉.
٣. وكمان قياس ضربات القلب للبيبي وقت راحته و وقت حركته ومتابعتها برسم قلب للبيبي💟
٥. هيطلب طبيبك المتابعة الجيدة لان ممكن تولدي بدري عن معادك.

📌طيب في الولاده في خطر؟🤔

اعرفي ان الرحم دلوقتي اكبر من حجمه العادي في حالة زيادة السائل الامنيوسي علشان كده لازم تكوني واعيه🙋 ان الولاده ممكن اولا تكون بدري ، ممكن لو نزل عليكي الماء بدري يكون معاه الحبل السري و دا يتطلب قيصريه عاجله المشاكل اللي ممكن تحصل من انفصال المشيمه المبكر و احتماليه النزيف بعد الولاده بتكون اكتر لكن متقلقيش كل دا بيقدر طبيب النساء و التوليد يتعامل معه بمهاره😍
تابعينا دائما عشان #مامز_هاڤين بتخاف عليك 😍
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #مامز_هافين #السائل_الامنيوسي

الماء حول البيبي قليل


الماء حول البيبي قليل!!😫

كلنا عارفين إن البيبي بيكون محاط بسائل امنيوسي له كمية معينة وفوائد كثيرة كنا اتكلمنا عنها في بوست سابق💁
https://m.facebook.com/story.php?story_fbid=1888882141131527&id=207188805967544

ممكن في بعض الاحيان إن الماء إللي حوالين البيبي تقل👶 تعالي مع #مامز_هاڤين و #د_هناء_أبو_القاسم نتعرف ببساطة على قلة السائل الامنيوسي المحيط بالبيبى.

إزاي تعرفي إن كمية السائل قليلة؟🤕

بعض الأمهات بتحس إن بطنها أصغر من العادي، أو بينزل عليها ماء واحياناً تكتشف اثناء متابعة الحمل الروتينيه بالموجات الصوتية.📺
طيب ايه السبب ؟🤔
كثير من الاوقات ميبقاش فيه سبب واضح.
لكن في بعض الأسباب اللي ممكن تكون سبب:
١. ( جيب الماء أتفتح) ودا بتشتكي فيه الحامل إن بينزل عليها ماء أو بلل الملابس الداخلية 👙، لو حصل معاكي كدا لازم تكشفي و طبيبك حيفحصك ويقدر يعرف دا ماء من حوالين البيبي ولا إفرازات مهبليه.🤔
لو كان دا ثقب في الغشاء الامنيوسي حيطلب منك الراحة و يوصفلك مضاد حيوي.💊
٢. وجود مشكلة في المشيمة (الخلاص) ومش بيوصل غذاء كويس للبيبي وبيخلي البيبي مش بيعمل بول كويس وبالتالي بتقل الماية حول البيبي.😥
٣. بعض الامراض المرتبطة بالحمل زي تسمم الحمل ، الضغط العالي، الامراض المناعية والسكري.😣
٤. الحمل بتؤام أو أكثر.👶👶
٤. لو لأقدر الله البيبي عنده عيب خلقي أو مشاكل في الكلى مش بتخليه يعمل بول .🤕
طيب وايه الحل وحنعمل ايه ؟🤔
السؤال ده مش سهل اجابته لإنه بيعتمد انتي في الاسبوع الكام؟ حالة البيبي وصحته؟ وطبعا حالتك الصحية.
تابعي مع طبيبك جيدا وعلى فترات متقاربة و طبيبك حيطلب منك:
عمل سونار دقيق للبيبي
عمل دوبلار .


رسم قلب للبيبي.💟

الولادة حتكون ايه؟🤔

طبعا الولادة الطبيعية هنا مش دايما بتكون الاختيار الاصوب لأن البيبي بيكون حركته قليلة لإنه مش عارف يتحرك بسبب قلة الماية حواليه.
دا غير إن الطلق وقتها ممكن يضغط على الحبل السري إللي بيوصل الغذاء للبيبي.
القيصرية الآمنة بتكون هنا الاختيار الاصوب.👍
#مامز_هافين #حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #السائل_الامنيوسي


الضغط على البطن بعد الولادة

كثير من الامهات🙋 اشتكت إن بعد الولادة الممرضة بتيجي تضغط على بطنها😥 وتقولها كده تمام الامهات مش فاهمه هو ليه بيتعمل كده وهو ايه دا التمام ؟🤔

بعد ما ولدتي ورجعتي غرفتك بالسلامة💞 الطبيب بيوصلي بالملاحظة الدقيقة جدا خلال الساعات الأولى بعدالولاده ⏱ والتأكد من انقباض الرحم وإن كمية الدم طبيعية💉 لأن المرحلة دي إسمها المرحلة الرابعة للولادة وهي مهمة جدا لأن بعض الأمهات ممكن لا قدر الله تنزف بعد الولادة.🤕
عشان كدا الطبيب بيطلب من التمريض إنهم يلاحظ وا الأم ويعملوا تدليك للرحم بعد الولادة وبيكتب في ال ملحوظات 📃 يتم تدليك الرحم كل نصف ساعة لمدة ٤ ساعات الأولى بعد الولادة.🕛
التدليك دا بيتم إن الممرضة بتقوم بوضع راحة يدها على الرحم إللي بيكون عادة تحت مستوى السرة وتحركها بشكل دائري وفي نفس الوقت تلاحظ كمية الدم المتدفقة.
المفروض إن الممارسة دي مش مؤلمة اوي إذا تمت بالطريقة الصحيحة.😉
انتي ممكن تعمليها لنفسك كمان🤗 وتساعدي نفسك إن الرحم يرجع لحجمه و ومكانه كمان قومي بتدليك الرحم يوميا كمان بالرضاعة الطبيعية بتساعد على انقباض الرحم ممكن كمان تنامي على بطنك ١٠ دقائق ٣مرات يوميا وانتي حاطة زي فوطة مبرومة تحت السرة عشان تساعد على رجوع الرحم مكانه بشكل أسرع.👍
مع تمنيات مامز هـاڤين بولادة آمنة ورحيمة 💟 💟 💟
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #مامز_هافين