الخميس، 19 سبتمبر 2019

مخاوف وقلق الحمل والولادة

❤مامز هافين ❤مش مركز للأمومة والولادة الآمنه فقط🤰🏼 فريق العمل عندنا كله بيحب 😍 الامهات وقريبين منهم 👯🏼‍♀ ومن مشاعرهم عشان 😉كده سألنا أمهات كثير عن أسباب مخاوفهم وقلقهم من الحمل والولادة 😟 والأجابات كانت كثيرة ومتنوعة

كتبت د. هناء أبو القاسم


كان هدفنا أننا نعرف إيه المخاوف
😩 وننقاشها ونطمنهم معانا هنا ☺

هناقش أهم المخاوف

ولو عندك حاجه قلقانه منها قوليلنا 🗣أحنا معاك هنجاوبك💕💕.

*اول حاجه البعبع الكبير من الولادة**1-الخوف من الألم*😭

وهنا أحنا بنطمنك أنك لو ولدتي طبيعي طرق تحمل الألم كتيرة شوفي البوست السابق عن إزاي نقلل آلام الولادة
https://m.facebook.com/story.php?story_fbid=2089817127704693&id=207188805967544
ولو ولدتي قيصري التقدم في التخدير كبير💃🏻
شوفي البوست السابق عن أحدث طرق التخدير في مامز هيفن https://m.facebook.com/story.php?story_fbid=2067824549903951&id=207188805967544

2- خايفة اعمل قيصرية😓 بدون داعي طبي لا متخافيش أنتي صاحبة قرار 💪🏻وأم واعية وفاهمة 👍🏼 والمفروض حضرتي محاضرات الحمل والولادة وثقفتي نفسك كويس وهتقدري تناقشي طبيبك وتشاركيه في اخذ القرار الصح 😉

شوفي البوست السابق عن ليه مهم اننا نحضر حلقات الحمل و الولاده 😍
https://m.facebook.com/story.php?story_fbid=1696139763739100&id=207188805967544

3- خايفة من شق العجان 😣

لا يشق العجان بشكل روتيني
واتكلمنا قبل كدا عن شق العجان بالتفصيل شوفي اللينك دا 😊
https://m.facebook.com/story.php?story_fbid=1623261311026946&id=207188805967544

*4-خايفه جسمي ميرجعش زي الأول*😎

قولنا بردو خليكي فخورة بجسمك وفرحانة أنتي بقيتي أم 🤱🏼 وأي تغير حصل بصي له بفخر زي ما قولنا هنا وبعدين بعد الولادة ب ٦ اشهر علي الأقل 📆
اشتركي في نظام رياضة مظبوط 🤸🏼‍♀🤸🏼‍♀ جسمك هيرجع زي
الأول 😉

*5-خايفة البيبي 👶🏻يدخل الحضانه*

وارد😟 يحصل خلينا نبص لها بشكل تاني 🧡 الحمد لله إن في حضانه وإن في رعايه كويسه للبيبي إذا احتاج الأمر🧡.

💓لو عندك مخاوف😱 قوليلنا وأحنا معاكي💓 مامز هافين معاكي 💓عيزاكي دايما مطمنة😇 ومرتاحه البال 😚
مستنين مشاركتك معانا للرد على أي استفسار أو تخوف ☺
خليكي دايما فاكرة مع مامز هيفن الولادة بحب تغير العالم 💕 💕 💕 💕 💕 💕 💕
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة

الاعتماد على الرضاعة كوسيلة لمنع الحمل


استكمالا لبوستات #وسائل_منع_الحمل انهاردة حنتكلم عن🥰 :

Lactational amenorrhea method LAM

كتبت د. هتاء أبو الفاسم

تعتبر وسيلة ناتشورال لمنع الحمل وهي الاعتماد على الرضاعة 🤱🏼لوقف التبويض ومنع حدوث حمل😉.


تعالي اشرحلك إزاي.😁

الدراسات أثبتت الامهات إللي بترضعي طبيعي ولسة والده في من ٦ شهور بس ومش بيجيلها البيريود بيقل عندها افراز الهرمونات إللي بتؤدي لحدوث تبويض😎 وبالتالي مش بيحصل حمل🙅🏼.

طيب هل الطريقة دي فعالة؟🤔

الطريقة دي مش دقيقة 100 % وفيه كتير حملت مع إنها بترضع نضيف بس تعالي اقولك على 3 شروط لو اتحققوا معاكي بتقل احتمالية حدوث حمل بنسبة كبيرة جدا🥰.
١. إنك تكوني بترضعي طبيعي🤱🏼 بس بدون إدخال أي رضعات صناعية أو ماية أو اعشاب او الاكل وحتى اللهاية أو التيتينة رضاعة طبيعية بس وعند الطلب للبيبي مش بتنظمي الرضاعة ولا يكون الوقت بين الرضاعات أكثر من ٣ساعات في النهار أو ٤ ساعات خلال الليل.
طبعا الامهات🙋🏼 إللي بتشتغل وبتبعد عن البيبي فترة طويلة مينفعش معاها الطريقة دي نهائيا🙅🏼.
٢. بترضعي نضيف ومفيش أي بيريود جاتلك من بعد الولادة.
٣. ولدتي من ٦ شهور او أقل مش أكثر من ٦ شهور😍.

طيب أنا بستخدم المضخة ( البامب) وبعصر صدري للبيبي ينفع الطريقة دي معايا🤨؟

لا خالص الفكرة إن مص البيبي لصدرك هي إللي بتحفز افراز هرمونات إللي بتمنع حدوث تبويض😉.
متنسيش تشوفي البوست السابق عن الحمل مع انك بترضعي نضيف.

https://m.facebook.com/story.php?story_fbid=1946482282038179&id=207188805967544
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #وسائل_منع_الحمل

فرد الشعر وعمل كيراتين اثناء الحمل

هل من الآمن فرد الشعر وعمل كيراتين وانا حامل🤨؟

د. هناء ابو الفاسم


للأسف مفيش دراسات كثيرة اتعملت عن تأثير مواد الفرد الكيماوية على الأم الحامل🤰🏼.
كل الأبحاث اتعملت كانت عن تأثيرها على صحة الأم🙋🏼 مش على صحة البيبي👶🏻.
عشان كدا إحنا في #مامز_هاڤين 💕 بنختار الأمان وبنقول بلاش مواد كيماوية مش عارفين تأثيرها ايه🙆🏼.
خصوصا إن الكيراتين فيه مادة الفورمالدهيد ( الفورمالين) إللي الأبحاث أثبتت ان استخدامها على المدى الطويل بيعمل اورام سرطانية🧫.
طيب و الكيراتين الزيرو فورمالين كدا آمان ؟🤔
لا لأنه بيحتوي على مادة إسمها ميثيلين جلايكول إللي بتتحول بالحرارة للفورمالدهيد🦠.
فالأمن ليكي بلاش وقت الحمل🙅🏼.
صحتك غالية علينا 💟 💟 💟
https://www.babycentre.co.uk/x25006561/is-it-safe-to-use-relaxers-or-straighten-my-hair-during-pregnancy
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا#الولادة_القيصرية_الآمنة

دلعي نفسك واهتمي بنفسك في أول شهور بعد ولادتك

دلعي نفسك 🤩واهتمي بنفسك في أول شهور بعد ولادتك🤱🏼


طبعا معظم الامهات لو مكنش كلهم حيضحكوا😂🤣 أول ما يقروا العنوان دا وحيلاقوا إنه من المستحيل🙅🏼 الأم تهتم بنفسها خصوصا في أول شهور بعد الولادة بس لازم تعرفي إنك لما بتهتمي بنفسك وانك تبقى مرتاحة واقل توتر واهدي حيخليكي تقدري تهتمي بالبيبى أحسن ويخليكي أقل عرضة لحدوث إكتئاب بعد الولادة🥰.
بالعكس حيخليكي تشحني بطاريتك عشان تقدري تكملي😍.

دي #نصائح_مامز_هافين ليكي إزاي تقدري تهتمي بنفسك:
١. ريحي🛌🏼 كل ما تقدري نامي كويس كلى أكل صحي🥦🍉🍌🍊 اعملي تمارين بسيطة🤸🏼‍♀.
٢. أخلقي فريق دعم حواليكي من أمهات لسة🤱🏼 والدة اتواصلي معاهم شهريا واعرفي إنك مش لوحدك🤩.
٣ عبري عن حزنك أو زعلك متكتميش جواكي😔.
٤. ركزي على إحساسك الحلو وعلى نقاط قوتك وعلى الحاجات الحلوة إللي بتعمليها💪🏻.
٥. خدي فاصل ونواصل. مفيش شغلانة في الدنيا 24 ساعة ريحي شوية زوجك مامتك بنتك الكبيرة ممكن يساعدوكي 😎.
٦. متعليش سقف طموحاتك وخليكي واقعية انتي مش سوبر وومان مفيش حد بيعمل كل حاجة صح ١٠٠ %👏🏻.
٧. اضحكي😁 على كل حاجة بتعمليها صح أو غلطو استفيدي منها الضحك بيخفف ويهون عليكي😉.
٨. نظمي يومك شوفي الحاجات المطلوبة منك واعمليها ليستة بس خلي بالك خليكي مرنة واقعية وانتي بتكتبيها📒.
٩. اجلي أي حاجة تجد على حياتك جديدة زي الانتقال لمنزل جديد أو تقدمي لشغل جديد🙅🏼.

طبعا محدش فينا أتعلم إنه يعرف يهتم بنفسه ويعرف إزاي يبسط ها كلنا اتربينا على اننا نيجي على نفسنا عشان خاطر أولادنا عائلتنا واصحابنا
عشان كدا #مامز_هاڤين 💕 بتقولي شيلي من دماغك الجمل إللي زي دي :
١. احتياجات أسرتك أهم من إحتياجاتك🤨.
٢. دورك إنك تهتمي بالاخرين دا واجبك كأم😞.
٣. أنا أنانية أنا بهتم بنفسي😒.
٤. مش من حقي ألاقي وقت لنفسي😏.
٥. أكيد الناس حتقول عليا أم فاشلة😔.
٦. ماما عمرها ما اهتمت بنفسها و بتدلعنا إحنا بس😕
.
كل ما حتلاقي نفسك مش قادرة تهتمي بنفسك اعملي التمرين دا حيفرق معاكي كتير.
أقعدي مكان هادي غمضي عينك خدي نفس عمييييييق و ببطء شديد وخرجيه تاني🧘🏼‍♀ وقولي ان اهتمامي بنفسي حيخليني اهتم بالبيبى👶🏻 أحسن أنا حشحن بطاريتي و طاقتي عشان خاطر البيبي🥰.
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة


استخدام فترة الامان كطريقة لمنع الحمل

‏Fertility awareness method (FAM)as birth controlيعني ايه الكلام الكبير دا 🙈؟

يعني استخدام فترة الامان كطريقة لمنع الحمل😉.

والطريقة دي معناها إنك تحسبي وتعرفي أيامك إللي بتكوني فيها على إستعداد الحمل🤰🏼 ( أيام التبويض) وتبعدي عن العلاقة الحميمة 💏في الايام دي.
ودي تعتبر الطريقة الناتشورال لمنع الحمل.🤩

الطريقة دي بتعتمد على حاجتين :

1. شطارتك إنك تحددي أيام التبويض ( الايام إللي انتي نشيطة فيها ) 🥳.
٢. تكون عندك دوره منتظمة علشان كدا بتكون الطريقة دي صعبة بعد الولادة 🤱🏼ولسة الدورة منتظمتش😥.
😄تعالي نعرف إزاي تقدري تحددي الايام النشيطة ليكي🤩 :
١. طريقة الجدول العادية وهي طريقة سهلة بتنقصي ١٤ يوم من بداية الدورة وتزود يومين قبل ويومين بعد📆.
ودي طريفة تقريبيا ومش اكيده اوي و فيه app 📱ممكن تساعدك.
٢. الطريقة الصح بتعتمد على حاجتين:
أ. الكشف عن مخاط عنق الرحم لما يكون المخاط لزج و بيتمط
ودا شرحناه في بوست سابق تقدري تشوفيه🥰
ب. قياس درجة حرارتك🌡 أول ما تصحي من النوم وقبل ما تتحركي من السرير🛌🏼 بشرط تكوني نمتي كويس لان حرارتك بتزيد شرطتين وقت التبويض📈.
الطريقة دي فعالة ٧٦ : ٨٨ %🤗 من الحالات ونجاحها بيعتمد على إنك تعرفي تعملي الخطوات السابقة صح وإن دورتك تكون منتظمة👍🏼.
-طبعا لا يوجد لها أي أثار جانبية💃🏻.
- مش حتعرفي تستخدميها وإنت دورتك مش منتظمة يعني بعد الولادة🤱🏼 وأثناء الشهور الأولى إللي بترضعي فيها كويس😇.
اعرفي اكتر وحددي عن طريق
‏Fertility awareness chart app

الكبسولة

حنتكلم عن وسائل منع الحمل🙆🏼 ونعرف كل حاجة عنها عشان نساعدك تختاري الوسيلة المناسبة ليكي🥰:

١. الكبسولة💊 :

إسمها كبسولة لكن شكلها زي عود الكبريت طولها ٤سم وعرضها ٢ مم طرية وصغيرة بتتركب تحت الجلد في زراعك من فوق و الكبسوله دي فيها هرمون البروجسترون اللي بيفرز منها يوميا بجرعة معينة.
ووظيفته انه بيمنع التبويض وبيخلي مخاط عنق الرحم سميك ولزج فبيعطل حركة الحيوان المنوي و ميقدرش يعدي من عنق الرحم😜.
الكبسولة بتمنع الحمل لمدة 3 سنوات و بتتركب في مكاتب الصحة مش موجودة في العيادات الخاصة و سعرها ٥ جنيه مصري 🏨.
تركيبها سهل جدا بيقوم طبيب النساء👩🏼‍⚕ بحقن بنج موضعي ويحطها تحت الجلد مش ح تحسي باي ألم الا كإنك بتاخدي حقنة💉.

مميزات الكبسولة كثيرة جدا:.

١. تركيبها سهل وشيلها سهل😇.
٢. تبدأ تشتغل بعد ٢٤ ساعة⏰.
٣. تمنع الحمل بفاعلية ٩٩%.
٤. مفعولها ٣ سنوات.
٥. تقدري تستخدميه وانتي بترضعي🤱🏼.
٦. تقدري تركبيها أي وقت مش مرتبطة بالدورة😉.
٧. لما تقرري تشيليها قدرتك على الإنجاب بترجع بعد ٦ أسابيع.

⛔ إمتى مينفعش تركبي الكبسولة؟🤔

١. لو عندك مشاكل في القلب أو ضغطك عالي.
٢. مشاكل في الاوعية الدموية
٣. مشاكل في الثدي.
٤. جلطة سابقة.
٥. مشاكل في الكبد.
٦. نزيف مهبلي.

😪طيب ايه مشاكلها ؟

مشكلتها الأساسية إنها وسيلة هرمونية يعني من الاخر فيه هرمون بيفرز من جسمك كل يوم (البروجسترون) ودا ممكن يسبب:
١. لخبطة في الدورة الشهرية😖.
ودا ممكن يظهر في شكل انقطاع تماما للدورة الشهرية في ٥٠% من السيدات.
أو تنقيط ( نزول قطرات دم)
أو نزيف ( نسبة قليلة)😟
٢. أعراض شبه البرد الخفيف🤧.
٣. أعراض شبه الحمل😥 عشان دا هرمون الحمل. زي تغير في الشهية غممان أو غثيان؛ آلآم البطن والصدر والظهر ؛
٤-تغير الحالة المزاجية قد تصل إلى الاكتئاب.

📣الأعراض الخطيرة إللي لازم ناخد بالنا منها هي ولازم ساعتها نشيلها😔 :

١. احتمالية تكون الجلطات .
٢. حمل خارج الرحم.
٣. اكتئاب شديد.
٤. أمراض الكبد.

اعرفي كل حاجه عن الوسيله اللي حتستخدميها واختاري الانسب لك🤩
#حمل #ولادة #قوة #ولادة_طبيعية_آمنة #مامز_هاڤين #نصائح_مامز_هافين #د_هناء_أبو_القاسم #ولادة_ناتشورال #ولادة_في_المياة #أم_واعية #دولا #الولادة_القيصرية_الآمنة #وسائل_منع_الحمل